Grensásdeild 50 ára 2023

Í ár er hálf öld liðin síðan Grensásdeild tók til starfa. Við erum mörg sem höfum notið þjónustu hennar, beint eða óbeint á þessari hálfu öld.

Hollvinir Grensásdeildar ætla, ásamt starfsfólki hennar og skjólstæðingum, að minnast þessara tímamóta með ýmsum hætti á afmælisárinu.

Við byrjum á því að kynna afmælismerkið, Grensás 50 ára, sem byggt er á málverki sem   Edda Heiðrún Backman gaf  Hollvinum Grensásdeildar. Að vori og hausti flýgur krían  á móti birtunni yfir hálfan hnöttinn. Hún er fallegt tákn fyrir ásetning, einbeitingu og úthald.

Við þökkum stuðning og velvild í áranna rás, og hlökkum til að efla áfram starf Grensádeildar með góðra manna hjálp.